Bideo audio giden laguntzaz Vista Alegre parkean parkearen edertasuna deskubritzeko eta gozatzeko ibilbide bat egitea proposatzen dizugu. Vista Alegre parkeko ibilbide zirkularra Zarauzko Eraztun Berde Urdineko Arkamurka ibilbidean dago. Ibilbide labur honetan parkearen iragana, oraina eta etorkizuna ezagutuko dituzu, natura eta gizakia elkartzen diren gune paregabe honetan.
EZAUGARRIAK
Vista Alegre auzoaren goiko aldean dago parkearen sarrera. Topalekuan parkearen izena irakur daiteke; panelak ere badaude bertako informazioarekin.
Parkeak ibilbide zirkularra du; sarreran hasi eta amaitzen da. Ia bide guztia maldan dago (leku batzuetan aldapa oso handia da). Ibilbideak 900 m inguruko luzera du, ondo adierazita dago, eta ez irristatzeko moduko lurra dauka. Parkean aire zabaleko gimnasio bat eta haurrentzako tirolina-parke bat ere badago.
Ibilbideko hainbat puntutan eserlekuak daude, batzuek bizkarraldea eta besoak dituzte eta beste batzuek ez. Hainbat informazio-panel aurkituko ditugu, eta zuhaitz-espezieei buruzko informazioa duten totemak ere bai. Inguruan ez dago komun publikorik.
NOLA IRITSI
- Oinez/bizikletaz
- Garraio publikoan
- Autoan