Natura, ibilbideak eta biodibertsitatea Zarautzen
Zer da Eraztun Berde Urdina (EBU)?
EBU Zarauzko Udaleko Ingurumen sailak sustatutako egitasmoa da; zehazki, Zarautz inguratzen duten berdegunez eta hezegunez osatutako sarea da. Sare hori osatzen dute ikuspuntu natural, kultural eta paisajistikotik balio handia duten hainbat interes-gunek, eta interes-gune horiek lotzen dituzten ibilbideek. Horrez gain, EBU-ren elementu funtsezkoak dira herritarrak, ikasleak, natur-elkarteak eta bertako egitasmo eta ekintzetan parte hartzen duten pertsona edo talde guztiak. EBU egitasmo bizia da, herritarrekin batera etengabe moldatzen, berritzen, aldatzen, aberasten, joango dena.
EBU egitasmoarekin honakoa lortu nahi da
- Biodibertsitatea eta balio handiko natura-guneak kontserbatzea herritarren parte-hartzearekin
- Herritarren eta naturaren arteko lotura indartzea
- Periferiako paisaia- eta natura-guneak berreskuratzea
- Klima aldaketari aurre egiten laguntzea
- Udalerria garapen jasangarriaren bidean jartzea
- Udaleko beste departamentuak eta udalerriko eragile sozialak gerturatzea eta guztien artean ahalik eta dinamismo gehiena ematea
- Zarauztarrei eta bisitariei naturaz eta aisialdiaz gozatzeko gune dinamikoa eskaintzea
- Herritarren bizi-kalitatea hobetzea
Multimedia
Multimedia atalean Eraztun Berde-Urdinari lotutako edukiak aurkituko dituzu: argitalpenak, irudiak eta bideoak, ingurunea hobeto ezagutzeko eta esperientziaz gozatzeko.
