Iñurritza Biotopoan kainabera espezie inbaditzaileak jasotzeko auzolanean parte hartzeko deialdia egiten dute Arkamurka Natur Taldeak eta Zarauzko Udaleko Ingurumen Sailak.
Landare espezie inbaditzaileak espazio zabalak betetzen dituzte bertako espezieak desagertaraziz, eta biodibertsitatean kalte handiak eraginez.
Urriaren 29a, larunbata
9:00tan
Gasolindegi parean dagoen Zubiaurre Berri (Kaskatxuri) baserriaren ondoan
Kainaberak dira Biotopoan kalte handienetakoak eragiten dituzten espezie inbaditzaile nagusiak. Foru Aldundiak moztutako kainaberak biotopoko kanpo aldean pilatuko dira auzolanean eta bertatik erretiratuko dira Txukun Lorazantzarekin elkarlanean.
